четверг, 7 мая 2020 г.

Сыһыарыы

«Махтал кыайыыны аҕалбыккытыгар!
Сыала-соруга: - Аҕа дойду сэриитин кыттыылаахтарыгар, сэрии, тыыл бэтэрээннэригэр ытыктабыллаах сыһыаны иитии, кинилэргэ анаан открытка оҥоруу;
- сыһыарыы үөрүйэхтэрин салгыы сайыннарыы;
- композиция (ис хоһоонноох тутул) оҥорорго үөрэтии.
Эрдэтээҕи үлэ: Аҕа дойду сэриитин кэминээҕи иллюстрациялары көрүү, хоһооннору ааҕыы, истии, «Ыам ыйын 9 күнэ – Кыайыы күнэ» диэн тиэмэҕэ бэсиэдэ оҥоруу.
Туттар тэрил: парад туһунан презентация, салют ойуута, сэрии кэминээҕи иллюстрациялар, открыткаҕа аналлаах бэлэм кырыйыылар. 
Дьарык хаамыыта:
Иитээччи/төрөппүт: Оҕолоор, сарсын ол эбэтэр ыам ыйын 9 күнүгэр Кыайыы бырааһынньыга буоларын туһунан этэн аһарбытым. Аҕа дойду сэриитигэр кыайыыбытын бэлиэтиир улуу бырааһынньыкпыт буолар. Бу сэриигэ олус элбэх дьон өлбүтэ. Сорох саллааттар тыыннаах эргиллэн кэлбиттэрэ. Хомойуох иһин, кинилэр ахсааннара күн-түүн аҕыйаан иһэр. Кырдьан, ыалдьан суох буолуталаатылар. Оччолорго кинилэр эдэркээн этилэр. Саа-саадах тутан, дьоннорун, оҕолорун хаалларан, Ийэ дойдуларын өстөөхтөртөн көмүскүү барбыттара. Кинилэри билигин сэрии бэтэрээннэрэ диэн ааттыыбыт (ойууну көрдөрүү). Бу тураллар элбэх мэтээли, уордьаны иилинэн. 1945 сыллаахтан кинилэри чиэстээн сыл ахсын парад ыытыллар.
Ветераны задумались об участии в Параде Победы – Победа РФ
      Биһиги эбээлэрбит, эһээлэрбит эмиэ Кыайыыны уһансыбыттара. Тыылга олорон үлэ бөҕөтүн үлэлииллэрэ, аччыктыыллара, хоргуйан да өлөллөрө. Бу баар хос эһэҥ/хос эбэҥ (хаартысканан оҕоҕо сиһилии кэпсиэххэ сөп). Кинилэргэ биһиги махтанабыт, сүгүрүйэбит. Куруук ахтан-санаан ааһыахтаахпыт. Тоҕо диэтэр биһиэхэ эйэлээх олоҕу аҕалбыттара, сэриини тохтоппуттара. Кыайыы күнүгэр элбэх уордьаннаах, мэтээллээх кырдьаҕас киһини көрүстэххинэ, хайаан да тохтоон дорооболоһор, эҕэрдэлиир буол. Автобуска миэстэни туран бэриллиэхтээх, суолу туоруур сиргэ көрүстэххинэ, дьоҥҥун кытары көмөлөһөр буол. Кинилэр үтүө сыһыантан олус үөрүөхтэрэ, биһиги өйдүүллэр, ытыктыыллар эбит диэн дьоллонуохтара. 
День Победы
                                                              Т. Белозеров
           Майский праздник — 
День Победы -
         Отмечает вся страна.
          Надевают наши деды
Боевые ордена.
            Их с утра зовет дорога
                 На торжественный парад,
          И задумчиво с порога
                 Вслед им бабушки глядят.
       Кыайыы бырааһынньыга парадтан саҕаланар (парад ойуутун көрдөрүү). Кыайыы күнүн айхаллаан халлааҥҥа салют ыталлар.  (салют ойуутун көрдөрүү).
Решение о переносе парада Победы уже принято — СМИ — Новости ...
Российский туризм / Главное / Салют на 9 мая 2016 в Москве пройдет ...
Вокруг все было тихо.
    И вдруг - салют! Салют!
                           Ракеты в небе вспыхнули и там, и тут!
            Над площадью, над крышами,
        Над праздничной Москвой
Взвивается все выше
Огней фонтан живой.
На улицу, на улицу
Все радостно бегут,
Кричат: «Ура! »
                                            Любуются на праздничный салют!                  
Хамсаныылаах тохтобул. 
Саллааттар курдук парадка,
Биир тэҥник хаамабыт,  
Биир-икки, биир-икки
Биһигини көрүҥ эрэ.
Ытыспытын таһынабыт
Бары бииргэ, бэһиэлэйдик!
Атахпытын өрө көтөҕөн,
Илиибитин дайбанан
Хаамабыт, хаамабыт!
Иитээччи/төрөппүт: Маладьыастар! Оҕолоор, биһиги бэтэрээн дьоммутун эҕэрдэлээн открытка оҥоруохпут уонна бэлэхтиэхпит. Оччоҕо кинилэр биһиги махталбытын өйдүөхтэрэ, үөрүөхтэрэ.
(Открыткаҕа аналлаах бэлэм кырыыйалары көрдөрүү)
Иитээччи/төрөппүт открытканы хайдах оҥоруллуохтааҕын көрдөрөн, быһааран биэрэр.  
День Победы – 9 мая в детском саду. Сценарии. Младшая группа Открытка к 9 Мая ко Дню Победы — вторая младшая группа ...
Аппликация к 9 мая. Мастер-класс | Открытки своими руками, Детские ... Мастер-класс «Открытка к 9 мая» с пошаговым фото
Детские поделки к 9 мая. Воспитателям детских садов, школьным ...
Иитээччи/төрөппүт: Маладьыас! Олус да үчүгэй открытка буолла. Эһэҥ/эбэҥ бу открыткаҕын туттаҕына олус да үөрүө, манньыйыа. 
Хоһоон ааҕыытынан түмүктүөххэ сөп:
Мин эһэм - ветеран
                                                                                               Лия Павлова
Кырдьаҕас эһэбин кытары
       Мин бүгүн парадка сырыттым,
    Сибэкки дьөрбөтө тутаммын
        Болуоссат устунан хаамыстым.

       Кырдьаҕас мин эһэм - ветеран,
         Сэриигэ хорсуннук сылдьыбыт,
Эйэлээх олоҕу көмүскээн,
   Дойдутун туһугар охсуспут.

Эһэбин уруйдаан парадка
                 Биир тэҥник саллааттар хаамтылар,
        Кырдьаҕас буойуҥҥа эдэрдэр
              Чиэс биэрэн айхаллаан аастылар.

         Кырдьаҕас мин эһэм - ветеран.
      Хорсунун холобур оҥостуом,
             Куруутун кининэн киэн туттуом,
             Аҕалбыт кыайыытын ытыктыам.


Комментариев нет:

Отправить комментарий